دنیا بھر میں شادی کے بعد اب طلاق پر بھی جشن عام ہوتا جارہا ہے اور حال ہی میں کچھ خواتین کی طلاق کے بعد سلیبریشن ویڈیوز منظر عام پر آنے کے بعد ایک شخص کے جشن کی ویڈیو بھی سامنے آئی ہے۔
بھارتی میڈیا پر ڈی کے برادر نامی ڈیجیٹل کرئیٹر کے انسٹاگرام اکاؤنٹ کی ایک ویڈیو شیئر کی گئی ہے جس میں اس شخص کو اپنی طلاق کا جشن مناتے دیکھا جاسکتا ہے۔
ویڈیو میں موجود شخص کو اس کی والدہ تیاری سے قبل دودھ سے غسل دے رہی ہے جس کے بعد اس نے دلہا کی طرح تیار ہوکر کیک بھی کاٹا۔
جشن کیلئے کاٹے گئے کیک پر طلاق مبارک لکھاتھا۔
دوسری جانب ویڈیو کے کیپشن میں درج ہے کہ ’افسردہ ہونے کے بجائے خوش رہیں اور خود کو خوش رکھیں، 120 گرام سونا اور 18 لاکھ کیش لینے کے بجائے دیا ہے‘ ۔
کیپشن میں مزید لکھا گیا کہ ‘سنگل ہوں، خوش ہوں، آزاد ہوں، میری زندگی ، میرے اصول ، سنگل اور خوش‘۔
انسٹاگرام پر شیئر کی گئی ویڈیو اب تک 3 ملین سے زائد ویوز حاصل کرچکی ہے تاہم ویڈیو میں دی گئی معلومات سچ ہے یا شہرت کیلئے رچایا گیا ڈرامہ، اس حوالے سے کوئی تصدیق نہیں کی جاسکی ہے ۔
اس کے علاوہ اس شخص کا تعلق کہاں سے ہے یا اس کی اہلیہ سے طلاق کس وجہ ہوئی اس حوالے سے بھی کوئی معلومات سامنے نہیں آسکی ہے۔
