اسلام آباد: دفترخارجہ کا کہنا ہے کہ بھارت کے جتنے طیارے گرائے پاکستان اس کی تعداد پر قائم ہے ، کنفیوژن گرائے گئے رافیل اور دیگر طیاروں کے ماڈل پر ہے ۔
ترجمان دفتر خارجہ نے بریفنگ میں کہا کہ پاکستان کی بہادر فضائیہ نے جتنے طیارے گرائے وہ تاریخ کا حصہ ہے ۔ پاک فضائیہ نے کئی گنا بڑے دشمن کو شکست دی ہے جس کے بعد جنگ بندی کی درخواست بھارت نے امریکی صدر سے کی ۔
ترجمان دفتر خارجہ نے کہا کہ بھارتی جنگی تیاریوں کے مقابلے میں پاکستان کی تیاریاں جدید ہیں ۔
ترجمان دفتر خارجہ کا کہنا تھا کہ بھارت کے جتنے طیارے گرائے پاکستان اس کی تعداد پر قائم ہے ، کنفیوژن گرائے گئے رافیل اور دیگر طیاروں کے ماڈل پر ہے ۔
اس کے علاوہ ترجمان دفتر خارجہ نے کہاکہ سندھ طاس معاہدے کی خلاف ورزی کسی صورت قبول نہیں ، پاکستان ہر صورت اپنے عوام کا تحفظ یقینی بنائے گا ۔
واضح رہے کہ گزشتہ دنوں میامی میں بزنس فورم سے خطاب میں امریکی صدر ڈونلڈ ٹرمپ نے کہا کہ پاک بھارت جنگ کے دوران میں نے سنا کچھ اخبارات میں آیا کہ 7 یا 8 طیارے گرائے گئے، ایک اخبار نے لکھا کہ 7 طیارے گرائے گئے، ایک کونقصان پہنچا،کسی اخبار کا نام نہیں لوں گا، زیادہ ترجھوٹی خبریں دیتے ہیں۔
ٹرمپ نے کہا کہ مگر حقیقت میں پاک بھارت جنگ کےدوران 8 طیارے گرائےگئے۔
واضح رہے کہ نائب وزیر اعظم و وزیر خارجہ اسحاق ڈار نے کہا تھا کہ پاکستان کے خلاف فوجی تصاد میں بھارت کے 6 لڑاکا طیارے گرے، 4 رافیل طیارے گرے۔
